Terugblik Viering zo. 17 augustus 2025 in Achlum: Bibellêzingen: Deuteron. 30:15-20 en Markus 16: 1-8. As ynlieding neamde ds. Osinga it boek: ‘Wanneer dan mijn liefste’, fan drs. D.J. Wassenaar. Ds. seach altyd earst efteryn in boek en wy hearden dat mear minsken dat dogge: wêrom? Omdat se nijsgjirrich binne hoe as it ferhaal ôfrint (as se elkoar krije). Sa beskriuwt Marcus de kearn fan it ferhaal wer as Jezus de haadrol yn spilet:
op ’e 3e dei (yn’e bibel komt gauris nûmer 3 foar) komme 3 froulju by it grêf om Jezus te salvjen, mar it grêf is leeg. Der sit in ingel en seit harren dat Jezus ferriisd is en op wei nei Galiléa, sa’t Er sein hat. Wy witte troch de bibelske ferhalen en it evangeelje fan Peaske dat Jezus troch de dea yn it libben set is. Wy meie alle sneinen Peaske betinke. Wy witte ek dat Jezus sike minsken it libben werom jûn hat. Deuteronom. fers 19b: Kies dan it libben, dasto en dyn neigeslacht yn it libben bliuwe meie. En wy songen liet 566: Midden yn’e dea bin wy yn it libben, want Ien brekt it brea, dielt mei ús it libben midden yn’e dea.
Sjoukje de Boer
Reactie plaatsen
Reacties